WASANII WA FILAMU KUNUFAIKA NA KAZI ZAO

Waziri wa Habari, Vijana, Utamaduni  na Michezo Dkt. Fenella Mukangara akiongea na baadhi ya Viongozi wa mashirikisho ya wasanii wa filamu na Muziki kuhusu urasimishaji wa kazi za wasanii wa Filamu na Mziki jijini Dar es Salaam (jana). (Picha na Benjamin Sawe wa WHVUM)

Na Concilia Niyibitanga- WHVUM

Serikali imeamua kuweka mfumo rasmi utakaowawezesha Wasanii wa Filamu na Muziki nchini   kunufaika na kazi wanazozibuni na kuzitengeneza.

Hayo yamesemwa leo  Jijini Dar es Salaam na Waziri wa Habari, Vijana, Utamaduni na Michezo, Dkt. Fenella Mukangara wakati akiongea na Viongozi wa Mashirikisho  ya Wasanii wa Filamu na Muziki.

Dkt. Mukangara amesema kuwa Serikali imesikia kilio cha Wasanii kwa kuirasimisha Sekta ya Filamu na Muziki ili kuondokana na kilio cha muda mrefu cha Wasanii kutonufaika na jasho lao.

Amesema kuwa Serikali itatumia mfumo wa kuziwekea kazi hizo stampu za Mamlaka ya Mapato Tanzania (TRA) ambazo zitakuwa na usalama kwa nia ya kuondokana na uzalisha na udurufishaji ovyo wa kazi hizo na kazi hizo zitawekewa ‘bar code’ kwa wepesi wa ufuatiliaji.

Urasimisaji huu unaotarajia kuanza rasmi Januari, 2013 utawezesha wasanii kukopesheka ili kupata mitaji itakayowawezesha kutengeneza kazi bora na zenye viwango  na zitakazoweza  kuingia katika soko la ushindani. Ameeleza Dkt. Mukangara.

Amesema kuwa kwa sasa Wizara ya Habari, Vijana, Utamaduni na Michezo; Wizara ya Fedha; na Wizara ya Viwanda na Biashara zinaweka katika mfumo wa kielektroniki taratibu zinazowezesha utekelezaji wa mfumo huu kuwa rahisi.

Aidha, Dkt. Mukangara ametoa wito kwa kila mmoja kutimiza wajibu wake katika kuhakikisha  kero ya Wasanii kuibiwa na kutofaidika na kazi zao inaondoka na kuwataka vijana kujipanga vizuri ili kuitumia fursa hii na hata katika siku za usoni waweze kuwa na  Saccos za vijana katika tasnia ya filamu na muziki na waweze kukopesheka kupitia Mfuko wa Vijana.

Kwa upande wake Rais wa Shirikisho la Sanaa za Ufundi, Bw. Adrian Nyangamalle ameipongeza Serikali kwa hatua ya kuirasimisha Sekta ya Filamu na Muziki na kuiomba Serikali kuangalia uwezekano pia wa kurasimisha Sanaa za Ufundi ambazo zinaonekana kusahaulika  katika  mfumo huo.

Bw. Nyangamalle amesema kuwa katika Wasanii milioni 9 nchini, takribani Wasanii milioni 4 ni Wasanii wa Ufundi, hivyo ni changamoto kwa Serikali hususan Wizara yenye dhamana na Sekta hiyo kuona umuhimu wa kurasimisha kazi za Sanaa za Ufundi.

Popular posts from this blog

MAMBO 6 YA KUZINGATIA KATIKA MAHUSIANO

Image
Mara nyingi wengi wetu tumekuwa katika mahusiano na wapenzi wetu lakini hali sio kama ile ya awali wakati mnaanza mapenzi yenu.   Wanawake wengi wanalalamika kuwa   hawaoni upendo ule waliouzoea zamani wakati mapenzi yanaanza. Hata wanaume wengine wanalalamika pia kuwa penzi limeteremka kiwango baina yao . Mara zote hushuka huku kwa ukaribu (intimacy) hakupangiliwi au kutazamiwa bali huja taratibu pasipo wapenzi kutambua, mara lugha hubadilika,  muda wakuwa pamoja hupungua, mambo huanza kufanywa kwa mazoea, vilivyo zoeleka kufanyika havionekani tena na taratibu hali hii ikikomaa huathiri hata tendo la ndoa. Katika hatua hii, wapenzi huanza kuchokana na kutotamaniana, hapa ndio kwenye upenyo wa mmoja au wote kuwaza njia mbadala.  Wengi walioachana au kutalikiana nao  walipitia njia hii pia. Ili kuepuka yote haya, haunabudi kujifunza njia za kuwasha moto wa upendo kila wakati na kuongeza ukaribu (intimacy) kati yenu. Njia za kukusaidia 1.        kucheka pamoja
Read more

Mwanajeshi Aliyepiga Picha na Mbunge wa Arusha Mjini-Chadema Godbless Lema Kwenye Mkutano wa Hadhara Akamatwa

Image
   Mtu aliyejitambulisha kuwa askari wa Jeshi la wananchi wa Tanzania (JWTZ),kambi ya Monduli,Arusha kwenye mkutano wa Chadema Mji mdogo Mererani,Simanjiro mkoani Manyara hivi karibuni akiwa ndani ya gari ya jeshi baada ya kutiwa nguvuni,   Picha juu alipopiga picha na Viongozi mbalimbali wa Chadema Mtu aliyejitambulisha kuwa askari wa Jeshi la wananchi wa Tanzania (JWTZ),kambi ya Monduli,Arusha akiwa na wabunge wa Chadema, Godbless Lema (Arusha Mjini) na Joshua Nassari (Arumeru Mashariki) baada ya kumalizika kwa mkutano wa hadhara uliohutubiwa na wabunge hao katika Mji mdogo Mererani,Simanjiro mkoani Manyara hivi karibuni. ---   Yule mtu aliyedaiwa kuwa ni mwanajeshi wa JWTZ wa kikosi cha Monduli ametiwa mbaroni leo kwa ushirikiano wa jeshi la wananchi na Police. Uchunguzi wa awali umebaini kuwa kijana huyu hakuwa mwanajeshi wa JWTZ kama alivyojitambulisha kwa waandishi wa habari, ila aliwahi kuwa JKT na akaacha. Amekuwa akivaa ngua hizo za j
Read more

MATAJIRI WATANO WANAOONGOZA TANZANIA

Image
ndugu Mengi ndugu Gulam Dewji ndugu Ali Mafuruki. WAFANYABIASHARA watano, Said Bakhressa Gulam Dewji, Rostam Aziz, Reginald Mengi na Ali Mufuruki, wametajwa na Jarida la Ventures Africa linalozungumzia masuala mbalimbali ya uchumi wa Afrika kuwa ndiyo matajiri zaidi nchini. Anayeongoza katika orodha hiyo ni Bakhressa anayemiliki mali na fedha zenye thamani ya Dola za Marekani 620 milioni sawa na Sh992 bilioni (Dola moja Sh1,600) akifuatiwa na Dewji ambaye utajiri wake ni Dola 560 milioni (Sh896 bilioni). Wengine na kiasi cha mali na fedha wanazomiliki kwenye mabano ni Rostam (Sh672 bilioni- Dola 420 milioni) Mengi (Sh448bilioni- Dola 280 milioni) na Mufuruki (Sh176 bilioni - Dola 110 milioni)-source Mwananchi magazine.
Read more