UMOJA WA VYAMA VYA SIASA WAZUNGUMZA NA WAANDISHI

Katibu Mkuu wa Chama cha siasa TADEA Juma Ali Khatibu akizungumza na Waandishi wa Habari wa Vyombo mbalimbali hawapo pichani kwa niaba ya Umoja wa Vyama vya TADEA,SAU,NLD na AFP kuhusiana na kuimarisha Amani na Utulivu Zanzibar na Kulaani matukio ya uvunjifu wa Amani yaliotokezea hivi karibuni huko Zanzibar.

Na Juma Mohammed,MAELEZO Zanzibar
Vyama vitano vya siasa vimesema mafanikio ya kukua kwa uchumi wa Zanzibar ni matokeo ya kushamiri kwa amani,utulivu na mshikamano wa wananchi.
Wakizungumza katika mkutano na waandishi wa habari  Mjini Zanzibar, Viongozi wa Vyama  vya TADEA,AFP, NLD, SAU, kwa pamoja vimeridhishwa na ukuaji wa uchumi na kuongezeka kwa pato la wananchi.
“Mafanikio ya kukua kwa uchumi wetu yanaendelea kutupa funzo juu ya umuhimu wa kuilinda amani, utulivu na mshikamano wetu ambao umetujengea sifa kubwa” Alisema Katibu Mkuu wa TADEA, Juma Ali Khatib.
Akizungumza kwa niaba ya viongozi wenzake katika mkutano huo, Katibu Mkuu huyo wa TADEA alisema taarifa za uchumi zinaonesha kuwa Zanzibar imepata mafabnikio katika kukuza uchumi.
“Kwa mujibu wa bajeti ya Serikali ya mwaka 2012/2013, pato la mtu mmoja limeongezeka kutoka wastani wa shilingi 782,000 mwaka 2010 na kufikia shilingi 960,000 mwaka huu” Alisema Kiongozi huyo.
Alisema hayo ni mafanikio makubwa. “Kwa wenzetu hawa wa Chama Tawala-CCM tayari wameshavuka lengo lao la miaka mitano katika muda wa miaka miwili tu…wao walilenga pato la mwananchi lifikie wastani wa shilingi 884,000 ifikapo mwaka 2015” Aliongeza Juma Ali Khatib.
Kutokakana na mafanikio hayo, vyama hivyo vimetoa shutuma kwamba kuna mkono wa kisiasa unaolenga kuvuruga mafanikio yaliyokwisha patikana na ndio maana kumekuwa na matukio vurugu katika siku za hivi karibuni.
“Hapa ndipo inapokuja hofu kwamba kuna mkono wa siasa kuvuruga mafanikio haya hasa kwa vile hayo ni matunfa yanayotokana na hali ya amani,utulivu na mshikamano wa Wazanzibari ambapo wananchi waliweza kuendelea na shughjuli zao za uzalishaji na biashara bila usumbufu,wageni waliendelea kufurika nchini na wawekezaji wameendelea kuwekeza” Alisema Katibu Mkuu wa TADEA.
Vyama hivyo, pia vimewakumbusha wananchi ulazima wa kuilinda amani iliyopo na kutokubali kutumiwa na watu wasioitakia mema Zanzibar.
Katika hatua nyengine katika tamko la vyama hivyo  vimeituhumu Jumuiya ya Uamsho na Mihadhara ya Kiislam kwenda kinyume na masharti ya uanzishwaji wake na kuiomba Serikali kuangalia usajili wa Jumuiya hiyo.
Aidha, imewasihi Mashekh na Maulamaa wote wasitumi dini kama ngao ya kuwapotosha wananchi na kusababisha vurugu ndani ya nchi. “Tunawaomba wananchi walioanza harakati za kutaka kuigawa nchi kwa misingi ya uzawa kuachana na kasumba hizo kwani hazina  hatma njema miongoni mwa Wazanzibari” Limesisitiza tamko la vyama hivyo.

Popular posts from this blog

MAMBO 6 YA KUZINGATIA KATIKA MAHUSIANO

Image
Mara nyingi wengi wetu tumekuwa katika mahusiano na wapenzi wetu lakini hali sio kama ile ya awali wakati mnaanza mapenzi yenu.   Wanawake wengi wanalalamika kuwa   hawaoni upendo ule waliouzoea zamani wakati mapenzi yanaanza. Hata wanaume wengine wanalalamika pia kuwa penzi limeteremka kiwango baina yao . Mara zote hushuka huku kwa ukaribu (intimacy) hakupangiliwi au kutazamiwa bali huja taratibu pasipo wapenzi kutambua, mara lugha hubadilika,  muda wakuwa pamoja hupungua, mambo huanza kufanywa kwa mazoea, vilivyo zoeleka kufanyika havionekani tena na taratibu hali hii ikikomaa huathiri hata tendo la ndoa. Katika hatua hii, wapenzi huanza kuchokana na kutotamaniana, hapa ndio kwenye upenyo wa mmoja au wote kuwaza njia mbadala.  Wengi walioachana au kutalikiana nao  walipitia njia hii pia. Ili kuepuka yote haya, haunabudi kujifunza njia za kuwasha moto wa upendo kila wakati na kuongeza ukaribu (intimacy) kati yenu. Njia za kukusaidia 1.        kucheka pamoja
Read more

Mwanajeshi Aliyepiga Picha na Mbunge wa Arusha Mjini-Chadema Godbless Lema Kwenye Mkutano wa Hadhara Akamatwa

Image
   Mtu aliyejitambulisha kuwa askari wa Jeshi la wananchi wa Tanzania (JWTZ),kambi ya Monduli,Arusha kwenye mkutano wa Chadema Mji mdogo Mererani,Simanjiro mkoani Manyara hivi karibuni akiwa ndani ya gari ya jeshi baada ya kutiwa nguvuni,   Picha juu alipopiga picha na Viongozi mbalimbali wa Chadema Mtu aliyejitambulisha kuwa askari wa Jeshi la wananchi wa Tanzania (JWTZ),kambi ya Monduli,Arusha akiwa na wabunge wa Chadema, Godbless Lema (Arusha Mjini) na Joshua Nassari (Arumeru Mashariki) baada ya kumalizika kwa mkutano wa hadhara uliohutubiwa na wabunge hao katika Mji mdogo Mererani,Simanjiro mkoani Manyara hivi karibuni. ---   Yule mtu aliyedaiwa kuwa ni mwanajeshi wa JWTZ wa kikosi cha Monduli ametiwa mbaroni leo kwa ushirikiano wa jeshi la wananchi na Police. Uchunguzi wa awali umebaini kuwa kijana huyu hakuwa mwanajeshi wa JWTZ kama alivyojitambulisha kwa waandishi wa habari, ila aliwahi kuwa JKT na akaacha. Amekuwa akivaa ngua hizo za j
Read more

MATAJIRI WATANO WANAOONGOZA TANZANIA

Image
ndugu Mengi ndugu Gulam Dewji ndugu Ali Mafuruki. WAFANYABIASHARA watano, Said Bakhressa Gulam Dewji, Rostam Aziz, Reginald Mengi na Ali Mufuruki, wametajwa na Jarida la Ventures Africa linalozungumzia masuala mbalimbali ya uchumi wa Afrika kuwa ndiyo matajiri zaidi nchini. Anayeongoza katika orodha hiyo ni Bakhressa anayemiliki mali na fedha zenye thamani ya Dola za Marekani 620 milioni sawa na Sh992 bilioni (Dola moja Sh1,600) akifuatiwa na Dewji ambaye utajiri wake ni Dola 560 milioni (Sh896 bilioni). Wengine na kiasi cha mali na fedha wanazomiliki kwenye mabano ni Rostam (Sh672 bilioni- Dola 420 milioni) Mengi (Sh448bilioni- Dola 280 milioni) na Mufuruki (Sh176 bilioni - Dola 110 milioni)-source Mwananchi magazine.
Read more