MKATABA

Serikali ya Tanzania na serikali ya Jamhuri ya watu wa China kesho (18/06/2012) zinatarajia kutiliana saini mkataba wa ujenzi wa Bomba la kusafirisha Ges asilia kutoka Mnazi Bay Mtwara hadi Ubungo jijini Dar es Salaam.
Mkataba huo wenye thamani ya dola za Kimarekani bilioni 2 (mbili) utasainiwa mjini Beijing, China kati ya Shirika la Maendeleo ya Petroli nchini kwa upande wa Tanzania (TPDC) na Benki ya Exim kwa upande wa China.
Balozi wa Tanzania nchini China Mhe Phillipo Marmo amesema hayo leo mjini Wuhan, China wakati akizungumza na Umoja wa Wanafunzi wa Tanzania (Wuhan Tanzania Students Association-UTASA) wanaoishi mjini hapo.
"Kesho Tanzania inatarajia kutiliana saini mkataba wa ujenzi wa bomba la gesi asilia kutoka Mnazi Bay Mtwara hadi Ubungo jijini Dar es Salaam utakaokamilika ndani ya mezi 12 baada ya kutiwa saini," amesema.
Kwa mujibu wa Balozi Marmo, "serikali ya Tanzania imeiwekea dhamana PTDC ili kupata mkopo kutoka benki ya Exim ya China."
ujenzi wa bomba hilo la gesi ni miongoni mwa jitihada za serikali kutatua kero ya umeme iliyodumu kwa muda mrefu kutokana na kupungua mara kwa mara kwa kina cha maji katika mabwawa yanyozalisha umeme yakiwemo Mtera na Kidatu ambayo kwa kiasi kikubwa ndiyo yanayo zalisha umeme unaotumika katika gridi ya Taifa.
"Mradi huu ukikamilika utasaidia kutatua kero ya umeme katika miji ya Dar es salaam. Arusha na kiasi kingine kitauzwa Nairobi nchini Kenya," amesema.
Pamoja na kutiliana saini mkataba huo, serikali hizo mbili hivi karibuni zimetiliana saini mkataba wa ujenzi wa nyumba 10,000 (elfu kumi) za askari jeshi nchini ili kupunguza tatizo la ukosefu wa makazi.
Balozi Marmo amesema, "Ujenzi wa nyumba hizi 10,000 ni mkopo wa riba nafuu kati ya asilimia 2 hadi moja utakaolipwa katika kipindi cha miaka 20."
Hata hivyo hakufafanua zaidi juu ya gharama za mradi huo. Mradi huo utajengwa na kamuni kutoka China.
China imekuwa mdau mkubwa wa miradi ya maendeleo nchini Tanzania tangu miaka ya 1960 na imejenga miradi mbalimbali ikiwemo TAZARA, Urafiki, Uwanja wa Taifa n barabara kadha.

Popular posts from this blog

MAMBO 6 YA KUZINGATIA KATIKA MAHUSIANO

Image
Mara nyingi wengi wetu tumekuwa katika mahusiano na wapenzi wetu lakini hali sio kama ile ya awali wakati mnaanza mapenzi yenu.   Wanawake wengi wanalalamika kuwa   hawaoni upendo ule waliouzoea zamani wakati mapenzi yanaanza. Hata wanaume wengine wanalalamika pia kuwa penzi limeteremka kiwango baina yao . Mara zote hushuka huku kwa ukaribu (intimacy) hakupangiliwi au kutazamiwa bali huja taratibu pasipo wapenzi kutambua, mara lugha hubadilika,  muda wakuwa pamoja hupungua, mambo huanza kufanywa kwa mazoea, vilivyo zoeleka kufanyika havionekani tena na taratibu hali hii ikikomaa huathiri hata tendo la ndoa. Katika hatua hii, wapenzi huanza kuchokana na kutotamaniana, hapa ndio kwenye upenyo wa mmoja au wote kuwaza njia mbadala.  Wengi walioachana au kutalikiana nao  walipitia njia hii pia. Ili kuepuka yote haya, haunabudi kujifunza njia za kuwasha moto wa upendo kila wakati na kuongeza ukaribu (intimacy) kati yenu. Njia za kukusaidia 1.        kucheka pamoja
Read more

Mwanajeshi Aliyepiga Picha na Mbunge wa Arusha Mjini-Chadema Godbless Lema Kwenye Mkutano wa Hadhara Akamatwa

Image
   Mtu aliyejitambulisha kuwa askari wa Jeshi la wananchi wa Tanzania (JWTZ),kambi ya Monduli,Arusha kwenye mkutano wa Chadema Mji mdogo Mererani,Simanjiro mkoani Manyara hivi karibuni akiwa ndani ya gari ya jeshi baada ya kutiwa nguvuni,   Picha juu alipopiga picha na Viongozi mbalimbali wa Chadema Mtu aliyejitambulisha kuwa askari wa Jeshi la wananchi wa Tanzania (JWTZ),kambi ya Monduli,Arusha akiwa na wabunge wa Chadema, Godbless Lema (Arusha Mjini) na Joshua Nassari (Arumeru Mashariki) baada ya kumalizika kwa mkutano wa hadhara uliohutubiwa na wabunge hao katika Mji mdogo Mererani,Simanjiro mkoani Manyara hivi karibuni. ---   Yule mtu aliyedaiwa kuwa ni mwanajeshi wa JWTZ wa kikosi cha Monduli ametiwa mbaroni leo kwa ushirikiano wa jeshi la wananchi na Police. Uchunguzi wa awali umebaini kuwa kijana huyu hakuwa mwanajeshi wa JWTZ kama alivyojitambulisha kwa waandishi wa habari, ila aliwahi kuwa JKT na akaacha. Amekuwa akivaa ngua hizo za j
Read more

MATAJIRI WATANO WANAOONGOZA TANZANIA

Image
ndugu Mengi ndugu Gulam Dewji ndugu Ali Mafuruki. WAFANYABIASHARA watano, Said Bakhressa Gulam Dewji, Rostam Aziz, Reginald Mengi na Ali Mufuruki, wametajwa na Jarida la Ventures Africa linalozungumzia masuala mbalimbali ya uchumi wa Afrika kuwa ndiyo matajiri zaidi nchini. Anayeongoza katika orodha hiyo ni Bakhressa anayemiliki mali na fedha zenye thamani ya Dola za Marekani 620 milioni sawa na Sh992 bilioni (Dola moja Sh1,600) akifuatiwa na Dewji ambaye utajiri wake ni Dola 560 milioni (Sh896 bilioni). Wengine na kiasi cha mali na fedha wanazomiliki kwenye mabano ni Rostam (Sh672 bilioni- Dola 420 milioni) Mengi (Sh448bilioni- Dola 280 milioni) na Mufuruki (Sh176 bilioni - Dola 110 milioni)-source Mwananchi magazine.
Read more