Kombani akutana na Katibu pamoja na Wajumbe wa Sekretarieti ya Ajira

Waziri wa Nchi, Ofisi ya Rais Menejimenti ya Utumishi wa Umma, Mhe. Celina Kombani amesema anaona ni wakati muafaka sasa kupitia upya miundo ya tumishi wa umma ili kuendana wakati pamoja na soko la ajira nchini.
Kombani amesema hayo jana wakati alipokuna na Katibu wa Sekretarieti ya Ajira, Bw. Xavier Daudi  pamoja na Mwenyekiti wa Sekretarieti ya Ajira Bw. Bakari Mahiza pamoja na Makamu Mwenyekiti Bibi Rose Lugembe walipokwenda kumtembelea ofisini kwake kwa lengo la kujitambulisha pamoja na masuala mengine ya kikazi.
Amesema ni vyema miundo hiyo ikapitiwa ili kuweza kubaini fani ambayo inahitajika zaidi katika soko la ajira hivi sasa na kuweza kuwashauri wadau kujikita zaidi katika fani hizo kuliko kuendelea kukimbilia kozi  ambazo zina wataalamu wengi na fursa za ajira ni chache.
“Nadhani ni vizuri tukapitia tena miundo ya utumishi wa umma ili kubaini fursa za ajira na pia kutoa ushauri kwa wadau wa elimu na wanafunzi kujikita zaidi katika fani ambazo hazina wataalamu wa kutosha na bado wanahitajika sana katika soko la ajira, kuliko kukimbilia kufundisha au kusoma fani ambazo kupata kwake kazi ni kwa shida kutokana na wingi wa wataalamu wa fani hiyo sokoni” alisema Kombani.
Aliendelea kufafanua kuwa kuna baadhi ya kazi wahitimu wake ni wengi hivi sasa hivyo kuna haja ya kutoa mwamko kwa wanafunzi kusoma wakiwa na malengo ya kusoma kitu kitakachowawezesha kujiajiri au kuajiriwa kwa haraka kulingana na soko la ajira.
Aidha, amepongeza jitihada za kuanzishwa kwa Tovuti ya Sekretarieti ya Ajira ambayo itatoa fursa kwa wadau wengi wanaotafuta kazi kuweza kupata taarifa kwa urahisi hata kama wako nje ya nchi.
Pia amehimiza wajumbe hao umuhimu wa kuharakisha uazishwaji wa mfumo wa kielektroniki utakaowezesha wahitimu kuomba nafasi za kazi kwa njia ya mtandao kuliko kutegemea njia ya posta pekee.
Kwa upande wake, Mwenyekiti wa Sekretarieti ya Ajira, Bw. Bakari Mahiza amesema kuwa hivi sasa wanakabiliwa na  changamoto kubwa ya  mgongano wa kisheria, ufinyu wa bajeti pamoja na baadhi ya waajiri kuendelea kung’ang’ania majukumu ya kuajiri ilihali Sheria ya kuanzisha chombo hicho imeweka wazi majukumu ya kuendesha mchakato wa ajira yanatakiwa kufanywa na Sekretarieti ya Ajira.

Nae Katibu wa Sekretarieti ya Ajira katika Utumishi wa Umma, Bw. Xavier Daudi amesema licha ya changamoto wanazokabiliana nazo wamefanikiwa kwa kiasi kikubwa kutekeleza majukumu yao. Aidha, amesema ofisi yake itaendelea kuimarisha ushirikiano na wadau mbalimbali maana kazi ya mchakato wa ajira mpaka kukamilika inahitaji ushirikiano baina ya mwajiri, mwajiriwa na wadau wengine.

Popular posts from this blog

MAMBO 6 YA KUZINGATIA KATIKA MAHUSIANO

Image
Mara nyingi wengi wetu tumekuwa katika mahusiano na wapenzi wetu lakini hali sio kama ile ya awali wakati mnaanza mapenzi yenu.   Wanawake wengi wanalalamika kuwa   hawaoni upendo ule waliouzoea zamani wakati mapenzi yanaanza. Hata wanaume wengine wanalalamika pia kuwa penzi limeteremka kiwango baina yao . Mara zote hushuka huku kwa ukaribu (intimacy) hakupangiliwi au kutazamiwa bali huja taratibu pasipo wapenzi kutambua, mara lugha hubadilika,  muda wakuwa pamoja hupungua, mambo huanza kufanywa kwa mazoea, vilivyo zoeleka kufanyika havionekani tena na taratibu hali hii ikikomaa huathiri hata tendo la ndoa. Katika hatua hii, wapenzi huanza kuchokana na kutotamaniana, hapa ndio kwenye upenyo wa mmoja au wote kuwaza njia mbadala.  Wengi walioachana au kutalikiana nao  walipitia njia hii pia. Ili kuepuka yote haya, haunabudi kujifunza njia za kuwasha moto wa upendo kila wakati na kuongeza ukaribu (intimacy) kati yenu. Njia za kukusaidia 1.        kucheka pamoja
Read more

Mwanajeshi Aliyepiga Picha na Mbunge wa Arusha Mjini-Chadema Godbless Lema Kwenye Mkutano wa Hadhara Akamatwa

Image
   Mtu aliyejitambulisha kuwa askari wa Jeshi la wananchi wa Tanzania (JWTZ),kambi ya Monduli,Arusha kwenye mkutano wa Chadema Mji mdogo Mererani,Simanjiro mkoani Manyara hivi karibuni akiwa ndani ya gari ya jeshi baada ya kutiwa nguvuni,   Picha juu alipopiga picha na Viongozi mbalimbali wa Chadema Mtu aliyejitambulisha kuwa askari wa Jeshi la wananchi wa Tanzania (JWTZ),kambi ya Monduli,Arusha akiwa na wabunge wa Chadema, Godbless Lema (Arusha Mjini) na Joshua Nassari (Arumeru Mashariki) baada ya kumalizika kwa mkutano wa hadhara uliohutubiwa na wabunge hao katika Mji mdogo Mererani,Simanjiro mkoani Manyara hivi karibuni. ---   Yule mtu aliyedaiwa kuwa ni mwanajeshi wa JWTZ wa kikosi cha Monduli ametiwa mbaroni leo kwa ushirikiano wa jeshi la wananchi na Police. Uchunguzi wa awali umebaini kuwa kijana huyu hakuwa mwanajeshi wa JWTZ kama alivyojitambulisha kwa waandishi wa habari, ila aliwahi kuwa JKT na akaacha. Amekuwa akivaa ngua hizo za j
Read more

MATAJIRI WATANO WANAOONGOZA TANZANIA

Image
ndugu Mengi ndugu Gulam Dewji ndugu Ali Mafuruki. WAFANYABIASHARA watano, Said Bakhressa Gulam Dewji, Rostam Aziz, Reginald Mengi na Ali Mufuruki, wametajwa na Jarida la Ventures Africa linalozungumzia masuala mbalimbali ya uchumi wa Afrika kuwa ndiyo matajiri zaidi nchini. Anayeongoza katika orodha hiyo ni Bakhressa anayemiliki mali na fedha zenye thamani ya Dola za Marekani 620 milioni sawa na Sh992 bilioni (Dola moja Sh1,600) akifuatiwa na Dewji ambaye utajiri wake ni Dola 560 milioni (Sh896 bilioni). Wengine na kiasi cha mali na fedha wanazomiliki kwenye mabano ni Rostam (Sh672 bilioni- Dola 420 milioni) Mengi (Sh448bilioni- Dola 280 milioni) na Mufuruki (Sh176 bilioni - Dola 110 milioni)-source Mwananchi magazine.
Read more