Wazalishaji Wa Chumvi Bagamoyo Walalamikia Kupanda Kwa Ushuru

by David Mathias

WAZALISHAJI wa Chumvi katika Wilaya ya Bagamoyo wamelalamikia ongezeko la ushuru wa chumvi unaodaiwa kupanda kwa asilimia 50 zaidi ya kiwango kilichokuwa kikitozwa hali inayowasababishia kuongezeka kwa gharama za uzalishaji kuliko bei halisi ya masoko.
 
Malalamiko hayo yametolewa mwishoni mwa wiki na Katibu  wa Chama cha Wazalishaji Chumvi Tanzania (TASPA), Julius Mosha wakati alipokuwa akizungumza na waandishi wa  habari mjini hapa kuhusiana na malalamiko yanayotolewa mara kwa mara na wadau wa sekta ya chumvi.
 
Mosha alisema kuwa mwaka 2008 Halmashauri hiyo ilipitisha sheria ndogo ya ongezeko la ushuru wa chumvi toka kutoka Sh.50 kwa mfuko wa kilo 50 sawa na Sh,1000 kwa tani, ikafikia Sh.200 kwa mfuko wa kilo 50 sawa na Sh.4000 kwa tani, hata hivyo ongezeko hilo lililalamikiwa sana na kudai kuwa inashangaza licha ya kuwa na malalamiko hayo kuna taarifa nyingine ya ongezeko la asilimia 50 zaidi.
 
Alisema licha ya kuwa na malalamiko hayo, Halmashauri hiyo imekuwa na tabia ya kufanya maamuzi ya kuongeza ushuru wa aina mbalimbali bila ya kushirikisha wadau kwa mujibu wa sheria hali inayosababisha  kuongezeka kwa gharama ya uzalishaji kulinganisha na bei ya chumvi katika masoko.
 
Mmoja wa wadau ambaye pia ni mshindi wa Tuzo ya Mamlaka ya Mapato Tanzania (TRA ) kwa mwaka 2012 anayeongoza kwa kulipa Kodi ya Mapato katika Wilaya ya Bagamoyo Kampuni ya H.J.Stanley and Sons Ltd imelalamikia Wilaya hiyo kutoza ushuru mwingi katika sekta ya chumvi ikiwa ni pamoja na kuwa na urasimu katika baadhi ya mambo yanayohusu uwekezaji.
 
Imeelezwa kuwa licha ya wao kuwa na uzalendo wa kupenda kulipa kodi ya mapato kama sheria inavyowataka kufanya hivyo , lakini wamejikuta wakipambana na ushuru wa Wilaya ambao kimsingi ni mkubwa hali inayowatia wasiwasi katika kuendesha shughuli zao za chumvi.
 
Kauli hiyo ilitolewa na Msemaji wa Kampuni hiyo Richard Stanley wakati alipokuwa akizungumzia kuongeza kwa ushuru wa chumvi pamoja na changamoto anazokabiliana nazo katika sekta hiyo.
 
 
Aliongeza kuwa ushuru unaotozwa na Halmashauri ya Bagamoyo unapingana na sheria inayowataka wao walipie asilimia 0.3 tu ya faida wanayopata kutokana na uzalishaji wao, lakini wanatozwa karibu asilimia 6 ambapo kwa kila mfuko wa chumvi unaozalishwa katika Wilaya ya Bagamoyo anapaswa kulipia Sh.200.
 
Sambamba na hayo mwekezaji huyo amelalamikia baadhi ya tabia inayoashiria urasimu kwa baadhi ya watendaji pindi wanapofuatilia nyaraka mbalimbali za ardhi, kwani wamekuwa wakipigwa danadana mara kwa mara huku wakidai nyaraka hazionekani katika Idara ya ardhi licha ya wao kuzipeleka mara nyingi tangu mwaka 2010.
 
Aidha aliiomba Serikali kuingilia swala hili na kuangalia ni jinsi gani wanaweza kusaidia kupunguza ushuru unaotozwa na Halmashauri ya Bagamoyo kwa wazalishaji wa chumvi, ikiwa ni pamoja na kupunguza urasimu usio wa lazima pindi watu wanapofuatilia haki zao.
 
Naye Mkurugenzi Mtendaji wa Halmashauri ya Wilaya ya Bagamoyo Samuel Saliyanga alisema Hamashauri yake inatekeleza sheria ndogo za Halamshauri na zilizopitishwa na Waziri Mkuu na si vinginevyo na kwamba tayari imeshapitishwa sheria nyingine ya kuongeza ushuru huo kwa watu wa chumvi.
 
Saliyanga alisema tayari Waziri Mkuu ameshapitisha sheria ndogo katika Halmashauri yake kuanzia Novemba 8 mwaka 2012 na itatumika kuwatoza ushuru wa chumvi kwa kila mfuko wa kilo 50 sh.300 badala ya Sh.200 iliyokuwa ikitozwa awali kwa kila mfuko wa chumvi wa kilo 50 na kwamba ushuru huo si wa uzalishaji.

Popular posts from this blog

MAMBO 6 YA KUZINGATIA KATIKA MAHUSIANO

Image
Mara nyingi wengi wetu tumekuwa katika mahusiano na wapenzi wetu lakini hali sio kama ile ya awali wakati mnaanza mapenzi yenu.   Wanawake wengi wanalalamika kuwa   hawaoni upendo ule waliouzoea zamani wakati mapenzi yanaanza. Hata wanaume wengine wanalalamika pia kuwa penzi limeteremka kiwango baina yao . Mara zote hushuka huku kwa ukaribu (intimacy) hakupangiliwi au kutazamiwa bali huja taratibu pasipo wapenzi kutambua, mara lugha hubadilika,  muda wakuwa pamoja hupungua, mambo huanza kufanywa kwa mazoea, vilivyo zoeleka kufanyika havionekani tena na taratibu hali hii ikikomaa huathiri hata tendo la ndoa. Katika hatua hii, wapenzi huanza kuchokana na kutotamaniana, hapa ndio kwenye upenyo wa mmoja au wote kuwaza njia mbadala.  Wengi walioachana au kutalikiana nao  walipitia njia hii pia. Ili kuepuka yote haya, haunabudi kujifunza njia za kuwasha moto wa upendo kila wakati na kuongeza ukaribu (intimacy) kati yenu. Njia za kukusaidia 1. ...
Read more

Mwanajeshi Aliyepiga Picha na Mbunge wa Arusha Mjini-Chadema Godbless Lema Kwenye Mkutano wa Hadhara Akamatwa

Image
   Mtu aliyejitambulisha kuwa askari wa Jeshi la wananchi wa Tanzania (JWTZ),kambi ya Monduli,Arusha kwenye mkutano wa Chadema Mji mdogo Mererani,Simanjiro mkoani Manyara hivi karibuni akiwa ndani ya gari ya jeshi baada ya kutiwa nguvuni,   Picha juu alipopiga picha na Viongozi mbalimbali wa Chadema Mtu aliyejitambulisha kuwa askari wa Jeshi la wananchi wa Tanzania (JWTZ),kambi ya Monduli,Arusha akiwa na wabunge wa Chadema, Godbless Lema (Arusha Mjini) na Joshua Nassari (Arumeru Mashariki) baada ya kumalizika kwa mkutano wa hadhara uliohutubiwa na wabunge hao katika Mji mdogo Mererani,Simanjiro mkoani Manyara hivi karibuni. ---   Yule mtu aliyedaiwa kuwa ni mwanajeshi wa JWTZ wa kikosi cha Monduli ametiwa mbaroni leo kwa ushirikiano wa jeshi la wananchi na Police. Uchunguzi wa awali umebaini kuwa kijana huyu hakuwa mwanajeshi wa JWTZ kama alivyojitambulisha kwa waandishi wa habari, ila aliwahi kuwa JKT na akaacha. Amekuwa ak...
Read more

MATAJIRI WATANO WANAOONGOZA TANZANIA

Image
ndugu Mengi ndugu Gulam Dewji ndugu Ali Mafuruki. WAFANYABIASHARA watano, Said Bakhressa Gulam Dewji, Rostam Aziz, Reginald Mengi na Ali Mufuruki, wametajwa na Jarida la Ventures Africa linalozungumzia masuala mbalimbali ya uchumi wa Afrika kuwa ndiyo matajiri zaidi nchini. Anayeongoza katika orodha hiyo ni Bakhressa anayemiliki mali na fedha zenye thamani ya Dola za Marekani 620 milioni sawa na Sh992 bilioni (Dola moja Sh1,600) akifuatiwa na Dewji ambaye utajiri wake ni Dola 560 milioni (Sh896 bilioni). Wengine na kiasi cha mali na fedha wanazomiliki kwenye mabano ni Rostam (Sh672 bilioni- Dola 420 milioni) Mengi (Sh448bilioni- Dola 280 milioni) na Mufuruki (Sh176 bilioni - Dola 110 milioni)-source Mwananchi magazine.
Read more