WANAWAKE WANAWEZA KUIPONYA NCHI YETU

MKE wa Waziri Mkuu, Mama Tunu Pinda amesema wanawake wa Tanzania wanayo nafasi nzuri ya kuungana na kumuomba Mungu ili aiponye nchi hii na majanga mbalimbali. 
 
 
 
 
 
 
“Tutumie nafasi yetu kama wanawake, kuunda jeshi kubwa la maombezi kwa ajili ya nchi yetu. Nchi hii inahitaji maombi, na kwa hakika inamuhitaji Mungu iwe ni kwenye huduma zetu, ndoa zetu, familia zetu na uchumi wetu binafsi na wa Taifa kwa jumla,” alisema.
 
Ametoa kauli hiyo jana jioni (Jumamosi, Juni 9, 2012) wakati akifunga Kongamano la Kitaifa la Wanawake Waombolezao lililodumu kwa siku tatu katika ukumbi wa Sinza Christian Centre jijini Dar es Salaam.
 
Kongamano hilo ambalo liliwajumuisha wanawake 70 kutoka mikoa 31 ya Tanzania Bara na Visiwani na wageni 32 kutoka nchi za Zambia, Zimbabwe, Afrika ya Kusini, Malawi, Uganda, Kenya, na Marekani, lilifunguliwa Juni 7, 2012 na Mke wa Makamu wa Pili wa Rais wa Zanzibar, Bibi Asha Seif Iddi.
 
“Ninapenda kuwasihi wanawake wote tusichoke kumuomba Mwenyezi Mungu naye atatupa yale tumwombayo. Tusimame kwenye sala na maombi, naye atatusaidia,” alisisitiza.
 
Alitumia fursa hiyo pia kuwaomba akinamama hao wajumuike kuwaombea Waheshimiwa Wabunge ambao ni wawakilishi wa wananchi zaidi ya milioni 45 kwani wanatarajia kuanza kikao cha Bunge Jumanne ijayo.
 
“Tumuombe Mungu awaguse Waheshimiwa Mawaziri na Wabunge ili wabaini kwamba wana jukumu la kuhakikisha wanafanya maamuzi ambayo yatawasaidia Watanzania kujikwamua kutoka kwenye umaskini na hatimaye waweze kupata maisha bora,” alisema.
 
“Sote tunaamini kwamba maombi yaliyofanyika hapa kwa ajili ya viongozi wetu hayataenda bure bali yataleta mabadiliko ndani ya mioyo yao ili wapate ujasiri wa kukataa maovu na kutambua kwamba uongozi walionao ni dhamana waliyopewa na Mungu hivyo wanapaswa kutumia vyema dhamana hiyo kwa ustawi wa Taifa letu.
 
Alitumia fursa hiyo kuwaomba akinamama hao wawaombee Watanzania wote wawe na uzalendo wa kuipenda na kuithamini nchi yao wenyewe, wawe na moyo wa kufanya kazi kwa bidiii na siku zote wawe tayari kuitakia mema nchi hii.
 
Mapema, akitoa mada kuhusu ukomavu wa kiroho, Mwalimu Nikku Kyungu kutoka Marekani alisema wanawake wa Tanzania wanayo nafasi ya kubadilisha mambo kama tu watampa Mungu nafasi ya kutenda na kuacha kuomba kwa mazoea.
 
Mwalimu Kyungu ambaye ni Mtanzania aishiye Marekani ambaye aliokoka tangu akiwa na miaka saba, alisema ana mzigo mkubwa wa kuliombea Bara la Afrika ili watu wake wafunguke na waweze kufaidi rasilmali walizonazo katika nchi zao.
 
Naye Mchungaji Grace Kapswara kutoka Zimbabwe aliwataka akinamama hao wawaheshimu watumishi wa Mungu na wajitoe katika kuwasaidia kama kweli wanataka kufanikiwa maishani mwao.
 
Aliwasisitizia akinamama hao haja ya kuomba kwa pamoja kama timu na kuwaeleza kwamba wakati wao wa kuburudika na kupumzika umekwishawadia.
 
Kongamano hilo la siku tatu liliandaliwa na kanisa la Tanzania Fellowship of Churches chini ya uongozi wa Askofu Godfrey E. Malassy ambaye ni Mwenyekiti wa Mkesha Mkubwa wa Kitaifa.
 

Popular posts from this blog

MAMBO 6 YA KUZINGATIA KATIKA MAHUSIANO

Image
Mara nyingi wengi wetu tumekuwa katika mahusiano na wapenzi wetu lakini hali sio kama ile ya awali wakati mnaanza mapenzi yenu.   Wanawake wengi wanalalamika kuwa   hawaoni upendo ule waliouzoea zamani wakati mapenzi yanaanza. Hata wanaume wengine wanalalamika pia kuwa penzi limeteremka kiwango baina yao . Mara zote hushuka huku kwa ukaribu (intimacy) hakupangiliwi au kutazamiwa bali huja taratibu pasipo wapenzi kutambua, mara lugha hubadilika,  muda wakuwa pamoja hupungua, mambo huanza kufanywa kwa mazoea, vilivyo zoeleka kufanyika havionekani tena na taratibu hali hii ikikomaa huathiri hata tendo la ndoa. Katika hatua hii, wapenzi huanza kuchokana na kutotamaniana, hapa ndio kwenye upenyo wa mmoja au wote kuwaza njia mbadala.  Wengi walioachana au kutalikiana nao  walipitia njia hii pia. Ili kuepuka yote haya, haunabudi kujifunza njia za kuwasha moto wa upendo kila wakati na kuongeza ukaribu (intimacy) kati yenu. Njia za kukusaidia 1. ...
Read more

CATHERINE MASUMBIGANA AWA REDD'S MISS CHANG'OMBE

Image
Redds Miss Chang’ombe 2012, Catherine Masumbigana 21, (katikati) akipunga mkono mara baada ya kusimikwa rasmi kuwa mshindi wa taji hilo. Kulia ni mmshindi wa pili, Jesca Haule (18) na Mshindi wa tatu Zulfa Bundala. Masumbigana aliwashinda warembo wengine 13 katika shindano hilo lililofanyika katika Ukumbi wa Quality Center jijini Dar es Salaam Juni 10, 2012.   Tano bora ya Miss Chang’ombe 2012 ambao wote wamepata tiketi ya kushiriki shindano la Miss Temeke 2012 wakiwa katika picha ya pamoja. Kutoka Kushoto ni Zulfa Bundala (21), Jesca Haule (18), Catherine Masumbigana (21), Miriam Nkisigwa (20) na Flora Kazungu.  Warembo wakicheza show maalum ya ufunguzi  Vazi la ufukwenu, Kutoka kulia ni Restituta Faustiney, Wensley Mabula na Clara Diu.  Warembo Flora Mayasa (kulia) Catherine Masumbigana (katikati) na Elizabeth Mushi wakiwinda point na vazi la ufukweni. Mkali wa Bongo Fleva Nassib Abdul 'Diamond' na vija...
Read more

HOTUBA YA MHESHIMIWA PEREIRA AME SILIMA (MB), MWENYEKITI WA BARAZA LA TAIFA LA USALAMA BARABARANI (T)

Image
HOTUBA YA MHESHIMIWA PEREIRA AME SILIMA (MB), MWENYEKITI WA BARAZA LA TAIFA LA USALAMA BARABARANI (T) KWENYE UFUNGUZI WA MAADHIMISHO YA WIKI YA NENDA KWAUSALAMA BARABARANI KITAIFA MKOANI IRINGA TAREHE 17 SEPTEMBA, 2012 Mhe. Mgeni Rasmi Mhe. Eng. Gerson  Hosea Lwenge (Mb), Naibu Waziri wa Ujenzi na Makamo Mwenyekiti wa Baraza la Taifa la Usalama Barabarani Ndugu Mbarak Abdulwakil, Katibu Mkuu Wizara ya Mambo ya Ndani ya Nchi Ndugu Herbert Mrango, Katibu Mkuu Wizara ya Ujenzi Mhe. Dkt. Christine Ishengoma (Mb), Mkuu wa Mkoa wa Iringa Ndugu Said Ally Mwema, Inspekta Jenerali wa Polisi Mwenyekiti wa Kamati ya Usalama Barabarani Mkoa wa Iringa Wajumbe wa Baraza la Taifa la Usalama Barabarani (T) Wageni Waalikwa Wanahabari Mabibi na Mabwana Asalaam Aleikum, Amani ya Mungu iwe juu yenu Awali ya yote napenda kutoa shukrani zangu za dhati kwako Mhe. Mgeni rasmi kwa kukubali kwako  kuungana nasi katika ufunguzi wa wiki ya maadhimisho...
Read more